L Arbeidskrav - overføring frå Canvas til FS

Bakteppe

Arbeidskrav er ein del av undervisninga og skal vere registrert godkjende før ein student kan starte på eksamen. Denne delen av læringa er difor som oftast støtta i Canvas, ikkje i Inspera. Eit arbeidskrav kan til dømes vere ei større oppgåve (type semesteroppgåve), det kan vere ein kombinasjon av fleire små oppgåver, eller ei eller anna organisering som fører til ein vurdering av typen godkjent/ikkje godkjent. Arbeidskrava vert definert i emneplanane, og spesifisert av faglærarane i undervisninga (Canvas).

Når resultata skal registrerast er det anbefalt og effektivt om dette kan gjerast direkte frå Canvas til FS, i staden for den tradisjonelle metoden der faglærar får eit vedlegg per e-post, sjekkar listene, svarar på e-posten og ein administrativt tilsett så fører dette inn i FS (studieadministrativt system). Vi unngår fleire feilkjelder ved å kople FS til Canvas, og denne sida viser korleis du som faglærar kopplar ei oppgåve i Canvas til ein arbeidskravdefinisjon i FS.

Slik gjer du det

OBS!

Lag ei oppgåve i Canvas for kvart arbeidskrav / obligatorisk aktivitet. Har du tre oppføringar i emneplanen, bør du ha minimum 3 oppgåver i Canvas.

Dersom arbeidskravet handlar om oppmøte, fysiske innleveringar eller av andre grunnar ikkje har ei digital innlevering frå studenten i Canvas, skal du likevel opprette ei oppgåve og så velge "Inga innlevering". Poenget med dette er at du kan bruke Vurderingsoversikta i Canvas til å bokføre resultata, slik at desse (som vist i videoen ovanfor) kan overførast til Canvas. Det gir også ei oversikt over arbeidskrava for studentane i deira vurderingsoversikt.