NN: Før praksis

1 BLUBV-D Oppgåver før praksis

I tillegg til arbeidskrava i praksis skal studenten ta aktivt del i kvardagen i barnehagen, og danne relasjonar til barn, føresette og personalet. Det er forventa at studenten viser profesjonskompetanse og utfører fleire oppgåver før, under og etter praksis. Alt dette skal takast med i den heilheitlege vurderinga av studenten, som blir gjort digitalt i MOSO. Praksislærar skal, i tillegg til ei vurdering av arbeidskrava, gi ei vurdering av praksis generelt, studenten si forventa kompetanse og om studenten er skikka for yrket.

I tabellen under finn du oppgåver som det er forventa at student og praksislærar utfører før praksis. På dei neste sidene finn du oppgåver det er forventa blir utført i praksis, og etter praksis.

Sjå eigen modul for oppgåver for oppfølgingslærar og styrar.

Studenten sine oppgåver	Praksisbarnehagen sine oppgåver
Send gyldig politiattest til studieadministrasjonen.
Signer teiepliktskjema i studentweb.
Lag ein kort presentasjon av deg sjølv og innhaldet i praksis, del med praksislærar.	Bruk studenten sin presentasjon som førebuing til at barnehagen tek imot studentar (gjerne som informasjon til barn, tilsette og føresette).
Delta på generell praksisførebuing og på praksisførebuande møte (Zoom).	Delta på praksisførebuande møte på Zoom saman med studenten. Del årsplan og eventuelle informasjonsskriv om barnehagen med studenten. Presenter deg sjølv og barnehagen for studenten din, og start samarbeidet i praksis.
Gjer deg kjend med innhaldet i praksis, studieprogramplan, emneplanar og Rammeplan for barnehagen - innhald og oppgåver (Kunnskapsdepartementet, 2017).	Gjer deg kjend med innhaldet i praksis, studieprogramplan, emneplanar og pensumlitteratur.
Forbered deg til arbeidskrava i praksis.	Lag plan for praksisperioden med tidspunkt for oppmøte, rettleingstimar og eventuelle kveldsmøte (minimum for dei 14 første dagane). Del planen med studenten seinast på praksisførebuande møte.
Gjer deg kjent med MOSO.	Opprett brukar i MOSO dersom du ikkje har det frå før. Du får tilsendt ein e-post med lenke til oppretting av brukar.
Forbered deg til forventingssamtalen som skal gjennomførast ein av dei første dagane i praksis. Skriv ein kort presentasjon (om deg sjølv) til praksislærar: Kva er du god på og kva treng du hjelp til når du skal leie deg sjølv i praksis. Del teksten med praksislærar i forventningssamtalen første veka i praksis.	Forbered deg til forventingssamtalen som skal gjennomførast ein av dei første dagane i praksis.
Forbered deg til praksis gjennom å vere aktiv i undervisninga.

Omgrepsavklaringar

Presentasjon av student

Dette skal vere eit kort tekstdokument der studenten presenterer seg sjølv og praksisperioden. Dokumentet kan innehalde eit bilde, namn, alder og litt om interessene til studenten. Ta med utdanning, tidsrom for praksisperioden og oppgåvene som skal løysast i praksis. Innhaldet bør få plass på ei A4 side. Dokumentet skal delast med praksislærar før praksis.

Praksislærar brukar studenten sin presentasjon i førebuinga til at barnehagen tek imot studentar (gjerne som informasjon til barn, personale og føresette).

Praksisførebuande møte

Før praksis samlar vi studentar, praksislærarar, faglærarar og administrasjonen i barnehagelærerutdanninga til praksisførebuande møte. Praksisførebuande møte for deltidsutdanninga blir holdt på Zoom. I første del av møte gjeng vi gjennom praksis og dei ulike kunnskapsområda presenterer eit eller fleire faglige tema. I andre del av møte samlar studentane seg i praksisgrupper i fagmøte før praksis, saman med praksislærar og starter planlegginga av praksis:

Studentane og praksislærar utvekslar informasjon, planar med meir. Praksislærar og studentane orienterer seg spesielt om oppgåver og arbeidskrav i praksis, og startar arbeidet med å planleggje innhaldet i praksis. Kva er mulig å arbeide med, med omsyn til interesser i barnegruppa, og kva innhold har barnehagen planlagt for denne perioden? Kva rammer, forutsetningar med meir spelar inn? Deling av refleksjonar rundt forventninger til praksis. Diskusjon rundt arbeidskrav i praksis, emneplan praksis og emneplanane i kunnskapsområda. Oppfølgingslærar og administrasjonen for barnehagelærerutdanningen er tilgjengelig for spørsmål og avklaringer.

MOSO

All dokumentasjon av praksis (tidlegare «praksismappe») skjer gjennom rettleiings- og observasjonsverktøyet MOSO (Mentoring and Observation Software). I praksisopplæringa pendlar studenten mellom planlegging, observasjon og rettleiing, og samspelet mellom desse aktivitetane er avgjerande for kvaliteten i rettleiinga.

MOSO er studenten sitt digitale reiskap for å arbeide konstruktivt i praksisperioden, der studenten samlar alle planar, observasjonar og tilbakemeldingar som utgangspunkt for refleksjon mellom student, praksislærar og oppfølgingslærar. Studenten deler arbeidet sitt med medstudentar, praksislærar og faglærar i MOSO.

Den formelle vurderinga forgår ikkje i MOSO, men innhaldet er ein del av grunnlaget for vurderinga. Praksislærar gir all skriftleg tilbakemelding i MOSO.

For å sikre heilskap, samanheng og progresjon, skal MOSO brukast på denne måten:

Studenten lagar og deler sine didaktiske planar og anna arbeid.
Rettleiaren og eventuelt medstudent gir respons på planen.
Studenten bearbeider og gjer ferdig den didaktiske planen.
Rettleiaren og eventuelt medstudent brukar tekst, bilete eller video i observasjonane sine medan studenten gjennomfører aktivitet/arbeidskrav.
Studenten førebur seg før rettleiinga ved å gå gjennom observasjonane/”feeden”, og analyserer og reflekterer over det som er observert.
Studenten, eventuelt medstudent og rettleiar deltek i rettleiingssamtalen med eigne synspunkt, vurderingar og refleksjonar.

Studenten må sikre at innhaldet ikkje er opplysningar som er i strid med teieplikta. Innhaldet skal vere anonymisert. Dersom ein er i tvil, vurderer praksislærar og student saman om noko må bli tatt ut.

Forslag til organisering av innhaldet i MOSO:

Plans:

- - Arbeidskrav
  - Didaktiske planar og dagsplan for leiardagar

Workspace:

- Arbeids- og møteplan, saklister og referat
  - Individuell rettleiing (1,5 t.pr veke), rettleiingsgrunnlag og referat
  - Observasjonar
  - Logg/prosjektlogg

Forventningssamtale

Ein forventingssamtale er ein samtale der praksislærar og student deler tankar om kva forventingar og krav ein vil stille til kvarandre. Ein slik samtale kan vere med på å leggje eit godt grunnlag for gjennomføring av praksis. Både student og praksislærar skriv referat frå samtalen. I samtalen skal ein ta opp følgjande punkt:

Praksislærar sine forventingar til studentane og praksisperioden.
Studentane sine forventingar til praksislærar og praksisperioden.
Korleis skape ein trygg og open atmosfære mellom student og praksislærar?
Kor stor fridom skal studenten få med tanke på utøving av praksis?
Studenten sine tankar om kva han skal arbeide med for å utvikle eigen kompetanse i praksisperioden (her kan ein ta utgangspunkt i tilbakemeldingar, slik dei kjem til uttrykk i eventuelle tidlegare praksisvurderingar).
Avtale om tidsfristar for når praksislærar forventar å få studenten sitt rettleiingsgrunnlag og anna skriftleg arbeid.
Ved sjukdom, avtal til kven og korleis dette skal meldast.
Avtalar om rettleiing.