2 BLUBV Reglement

Retningsliner for praksisstudium

Skal du ut i praksis er det ein del generelle reglar, rettar og plikter du må kjenne til. Det kan og vere ulikt korleis praksis er i det enkelte studium. .

Meir informasjon finn du her: https://www.hivolda.no/students%C3%B8rvis/retningslinjer/studie/praksisstudiumLinks to an external site.

Kommunikasjon

Styrar har det overordna ansvaret for informasjonsflyten i barnehagen, og syter for at informasjon vert vidareformidla til rett person. Styrar og praksislærar må halde seg oppdatert i Canvas og MOSO.

Når praksislærar ikkje er til stade, har styrar ansvar for studenten. Styrar kan delegere rettleiingsoppgåva til ein annan pedagogisk leiar. Ei slik endring skal vere tydeleggjort for studenten, og praksiskoordinator skal ha melding dersom dette gjeld meir enn tre dagar.

Vilkår for å gå ut i praksis og rutine for frammøteregistrering

Det er obligatorisk frammøte til all praksis, praksisførebuing og etterarbeid.
Dersom ein student vert sjuk eller av andre grunnar ikkje kan møte til praksis, må han snarast melde frå til praksislærar eller styrar. Praksislærar registrerer alt fråvær.
nasjonale retningslinjer for barnehagelærerutdanningen skal alt fråvær, uansett årsak, arbeidast inn igjen for å få karakteren stått i praksis.
Ved fråvær inntil ein dag per praksisemne kan praksislærar handsame dette. Ved fråvær utover ein dag skal studenten også melde dette til praksiskoordinator.

Arbeidstid

Fullført praksis er 100 dagar i løpet av utdanninga, det er ulikt kor mange praksisdagar det er i dei ulike årsstega.

Studenten skal vere i praksis 6,5 timar kvar dag, inkludert 30 minutt pause. Førebuing og etterarbeid i praksis skal gjerast utanom denne tida. Vi ønskjer at studenten skal følgje praksislærar sine vakter. Dersom studenten deltek på kveldsmøte, skal dette vere ein del av dei 6,5 timane. Det er ikkje høve til å arbeide inn timar for å avspasere utanom møte på kveldstid.

Deltaking på møte eller kurs

Møteverksemd er ein viktig styringsreiskap for styrar og pedagogisk leiar og ein del av barnehagekvardagen. Høgskulen ønsker at studentane skal få delta i møta der praksislærar deltek. Dette kan til dømes vere avdelingsmøte, personalmøte, leiarmøte og foreldremøte.

Dersom barnehagen deltek på kurs med avgift må det avklarast med praksiskoordinator om barnehagelærarutdanninga kan dekkje avgifta, heilt eller delvis. Dersom dette ikkje er mogeleg, må studenten få andre oppgåver i det aktuelle tidsrommet. Oppgåvene skal student og praksislærar setje opp i samarbeid.

Forholdet mellom student og praksisbarnehage

Studenten skal ikkje vere vikar i praksis. Dersom det av ulike grunnar ikkje vert sett inn vikar, skal styrar orientere studentane om dette. Det skal ikkje vere ei fast ordning at barnehagen ikkje sett inn vikar når det er studentar i praksis.

Høgskulen ønsker ikkje at studentar som ikkje har fått sluttvurdering blir nytta som vikar i barnehagen.

Studentar i praksis skal ikkje ha ansvar for barn eller ei barnegruppe utan at tilsette ved barnehagen er til stede.

Dersom studenten er sjuk eller har andre utfordringar som kan ha konsekvensar for praksis, er det studenten sitt ansvar å informere praksislærar. Studenten må ta det opp med praksislærar før praksis, eller den første dagen i praksis.

Praksislærar skal ikkje vere referanse for studentar i jobbsøknader.

Reiseutgifter i samband med praksis

For retningslinjer i samband med refusjon av reiseutgifter, og for å finne skjema for utfylling, sjå her.

Rutine for mobilbruk, sosiale media og bruk av bilde, film og lydopptak

Barnehagen har ansvar for å vidareformidle lovverk og etiske retningslinjer for mobilbruk, sosiale media, bilde, film og lydopptak i barnehagen. Det er to lover som først og fremst regulerer dette. Det er personopplysningsloven og åndsverksloven. Sjå www.lovdata.no for meir informasjon. Studentane får kjennskap til desse i undervisning. Meir informasjon finn du på www.datatilsynet.no.

Dersom studenten får løyve til å nytte bilde, film eller lydopptak frå barnehagen i arbeidskrav som skal leverast etter praksis, må studentane sørgje for at barna ikkje kan identifiserast. Praksislærar skal godkjenne bruken, og det skal innhentast samtykke frå føresette til dei barna det gjeld.

Rutine ved klage på praksislærar eller praksisbarnehage

Dersom ein student vil klage på praksislærar eller praksisbarnehagen, er framgangsmåten slik:

Ta opp problemet i ein rettleiingstime direkte med praksislærar.
Dersom dette ikkje fører fram, skal studenten be styrar om å vere med på ein samtale saman med praksislærar.
Dersom dette heller ikkje fører fram, eller er vanskeleg, tek studenten kontakt med praksiskoordinator eller studieleiar for rettleiing.
Om saka ikkje vert løyst i barnehagen vil studieleiar og eventuelt praksiskoordinator invitere studenten til samtale om saka.
Studenten må skrive ei melding som vert levert til administrasjonen i barnehagelærarutdanninga.
Studieleiar og praksiskoordinator møter styrar og praksislærar for å belyse og drøfte saka.
Dersom administrasjonen i barnehagelærarutdanninga ser grunn til bekymring, vil vi stille særlege krav til praksislærar for at han skal kunne ta i mot nye studentar.
Dersom det ikkje blir endring vil ikkje praksislærar få nye praksislæraroppdrag.