Arbeidsplassbasert barnehagelærarutdanning Kva er ABLU, forventningar og avklaringar

Kva er ABLU

Arbeidsplassbasert barnehagelærarutdanning (ABLU) er studiet for dei som allereie jobbar i barnehage som assistent eller barne- og ungdomsarbeidar – og som ønskjer å ta steget vidare til barnehagelærar.
ABLU er ei bachelorgrad på 180 studiepoeng, organisert som ei fleksibel deltidsutdanning over fire år.
Seks fysiske vekesamlingar (mandag-fredag) kvart studieår, tre i haustemesteret og tre i vårsemesteret.
Ein fast dag kvar veke med Zoom undervisning
Arbeid med mellomarbeid på eigen arbeidsplass mellom dei fysiske samlingane.

Læringsarenaer

Studentane i arbeidsplassbasert utdanning har tre ulike stader der dei lærer:

1.undervisning og sjølvstudium

2.praksis med rettleiing og vurdering,

3.og eigen arbeidsplass.

For at studenten skal få best mogleg utbytte av studiet, skal styrar velje ein pedagog med barnehagelærarutdanning som kan vere mentor. Mentoren skal støtte og følge opp studenten i det daglege arbeidet. Det treng ikkje vere same person gjennom heile studiet – barnehagen kan bytte mentor ved behov.

Forventningar til mentor og arbeidsplass

Ein student i ABLU skal vite at det er ein mentor i barnehagen som heile vegen står ved studenten si side. Mentor er der for å støtte studenten i det ein lærer, og hjelpe til å få studiet til å fungere i kvardagen.

Dette kan mentor hjelpe med:

gi rettleiing i det daglege arbeidet
vere ein trygg person studenten kan vende seg til når ein lurer på noko
hjelpe med mellomarbeid og arbeidskrav studenten skal gjennomføre
sørge for at studenten får tid og rom til å jobbe med studieoppgåver
vere med og skape gode læringssituasjonar i barnehagen

Vi forventar at mentor kjenner til studieplanen og veit kva som blir forventa studenten.

Kort fortalt: Studenten skal kjenne at ein går ikkje denne vegen åleine. Mentor er her for å hjelpe – steg for steg.

Kva skal barnehagen gjere?

Barnehagen treng ikkje lage ekstra oppgåver – studenten brukar situasjonar og arbeid dei allereie er ein del av.

Det viktigaste de gjer, er å:

gi studenten rom og tid til å gjennomføre arbeidskrav og mellomarbeid
vere ein støttespelar når studenten treng det
hjelpe til med å skape gode læringssituasjonar i kvardagen

Kort sagt:

👉 Arbeidskrav og mellomarbeid er små “treningsoppgåver” frå studiet – og barnehagen hjelper studenten med å få gjort dei på ein god måte.

Organisering av mentor ordning i ABLU

Barnehagen får kr 15 000 i tilskot for å leggje til rette for mentorordning for studentar i arbeidsplassbasert barnehagelærarutdanning (ABLU).

Vi veit at barnehagar er ulike, og difor finst det ikkje éi organisering som passar for alle. Det viktigaste er at de finn ei løysing som fungerer godt for både student og mentor, og som gir rom for gode samtalar, refleksjon og fagleg utvikling.

Dersom rettleiinga skjer i arbeidstida til både student og mentor, kan det vere aktuelt å nytte delar av tilskotet til vikarressursar. Dersom mentor førebur seg og gjennomfører rettleiing utanfor eiga arbeidstid, er det naturleg at tilskotet kjem mentor til gode.

Høgskulen ønskjer ikkje å styre korleis dette blir organisert lokalt. Vi har tillit til at kvar barnehage finn ei ordning som skaper engasjement og motivasjon, og som gir studentane best mogleg støtte på vegen mot å bli barnehagelærarar.

Kva er eit arbeidskrav?

Eit arbeidskrav er ei mindre studieoppgåve som studenten må gjennomføre undervegs i studiet. Det kan vere små tekstar, observasjonar, refleksjonar, samtalar, praktiske oppgåver i barnehagen eller noko som skal leverast digitalt.

Formålet er at studenten skal:

øve på det dei lærer
kople teori til praksis i barnehagen
vise at dei er på rett veg i studiet

Arbeidskravet må godkjennast av faglærar på høgskulen for at studenten skal kunne gå vidare til neste del av studiet.

Kva er eit mellomarbeid

Mellomarbeid er små oppgåver studenten gjer mellom samlingane på høgskulen. Det er som “heimearbeid” som skal hjelpe studenten å kople studiet til det som skjer i barnehagen.

Mellomarbeid kan vere:

å observere situasjonar i barnehagen
å prøve ut ein metode eller aktivitet
å snakke med mentor eller kollegaer om eit tema
å reflektere over noko og skrive kort om det

Målet er at studenten skal trene på det dei lærer og bruke det direkte i kvardagen.

Mellomarbeid skal ikkje godkjennast av faglærarane.

Tilskot som bidreg til at tilsette kan ta barnehagelærarutdanning.

Ansatte med barnehagelærerutdanning er viktig for kvaliteten i barnehagen. Derfor kan barnehageeiere søke om tilskudd for at ansatte kan ta barnehagelærerutdanning, for eksempel gjennom arbeidsplassbasert barnehagelærerutdanning (ABLU).

Målgruppe: Barnehager med barne- og ungdomsarbeidere eller assistenter som ønsker å utdanne seg til barnehagelærere. Opptakskravet er generell studiekompetanse eller dokumentert realkompetanse.

Hvem kan søke: Kommuner og private barnehageeiere. Det er styrer for privat barnehage som skal legge inn søknad for sine ansatte. Barnehagekjeder kan ikke søke om tilskudd på vegne av sine medlemmer.

Søknadsfrist: 1. september 2026. (fristen vert forhåpentleg tidlegare i 2027)

Sjå her for meir informasjon:https://www.udir.no/om-udir/tilskudd-og-prosjektmidler/tilskudd-for-barnehager/stotte-grunnutdanning-ansatte-barnehager/