Arbeidsplassbasert barnehagelærarutdanning Nyttig informasjon om 1.studieår.

Informasjon om studiet til arbeidsstad og mentor

Som mentor eller styrar er du ein viktig støttespelar for studenten gjennom studiet. Vi veit at mange ønskjer å setje seg inn i utdanninga, emna og forventningane som blir stilte til studentane. Samstundes kan det vere vanskeleg å finne fram til all informasjonen ein treng.

Nedanfor har vi samla lenker til sentrale dokument som kan vere til hjelp, mellom anna studieprogramplan, emneplanar, pensumlister, undervisningsplanar, arbeidskrav og mellomarbeid. Desse gir ei oversikt over kva studentane arbeider med gjennom studiet, og kan vere eit godt utgangspunkt for rettleiing og faglege samtalar.

Vi håpar ressursane er nyttige, men vi ønskjer også å utvikle denne sida vidare. Dersom det er informasjon du saknar, eller noko som kunne gjort mentorrolla enklare, set vi stor pris på at du gir oss ei tilbakemelding.

Takk for at du bidreg til å utdanne framtidas barnehagelærarar!

Studieprogramplan Arbeidsplassbasert barnehagelærarutdanning.

Studieprogramplanen gir ei samla oversikt over utdanninga. Her finn du informasjon om læringsutbytte for studiet, oppbygging, emne, praksis, arbeids- og vurderingsformer, og kva kompetanse studentane skal ha når dei er ferdige. Studieprogramplanen viser med andre ord den «raude tråden» gjennom heile utdanninga. I studieprogramplanen vil du finne ein emnetabell for kvart studieår, klikkar du deg inn der vil du finne emneplan for emna i t.d. første studieår.

Her er lenkje til studieprogramplanen: https://www.hivolda.no/studieplaner/2026/BLUBVBA/Haust

Studierute for 1BLUBV-AB 26-27

Studieruta viser når det skal vere undervisning, når det er innleveringsfrist på arbeidskrav, og kva type arbeidskrav studentane har. Her finn du også oversikt over mellomarbeid.

Her er lenkje til studieruta: https://hivolda365.sharepoint.com/:x:/s/BLU-utdannarar/IQAmgcbvpnBcRYnrRo4eS6TIASYSvgfuLa15ou-IcSrdWTI?e=a9mi7u

Semesterplan

Semesterplanen viser detaljane frå studieruta. Kva tema som blir tatt opp i undervisning, kva pensum studentane bør førebu seg på til undervisning med meir.

Her er lenkje til semesterplan: https://hivolda365.sharepoint.com/:x:/s/BLU-utdannarar/IQA0V61j0uGzSZTZE1sAtOV-AQdRG6d2pJAQdxDZEi-OMPs?e=YwLJEi

Pensumlister

1. studieår skal studentane ta dei tre emna: Barns utvikling, leik og læring (BLUBULL-AB), Samfunn, religion. livssyn og etikk (BLUSRLE-AB) og også Praksis 1. studieår (BLUPRA1-AB). Den siste har ikkje pensumlister men ei eiga canvas side. Du finn den ved å klikke på BLUPRA1-A/D på heim sida i dette canvasemne.

Barns utvikling, leik og læring: BLUBULL-BA - Barns utvikling, leik og læring (HØST 2026)

Samfunn, religion, livssyn og etikk: BLUSRLE-BA - Samfunn, religion, livssyn og etikk (HØST 2026)

Dersom du har forslag til andre ting du treng informasjon om send ein e-post til meg. Ta gjerne kontakt dersom du har spørsmål.

Elisabeth Welle

Studieleiar

elisabeth.welle@hivolda.no

70 07 54 50

Synnøve Riste, SR320